اكتب اسم شاعر واللي بعدك يجيب قصيدة للشاعر ادخلوا وتفهموا

مرحبـآآ ~

مهي على كيفك ولا كيـف نفـاع
المسألة كيف القـدر يـا حياتـي
أحس بآلام وهواجيـس وأوجـاع
وأشكي لذاتي مـن معانـاة ذاتـي
تجمعت عندي تشاكيـل وأنـواع
وجت لك تعبرها شعـر مفرداتـي
جت لك أحاسيس وتصاوير وإيقاع
جت لك تفسر لك سمة من سماتي
مركب غرامي جاك مجداف وشراع
أواصلك وأقطـع معاهـم صلاتـي
وسر تخبرينه سكن بين الأضـلاع
والله ليبطي ما طلع مـن شفاتـي
يضيع حب وحب باقي ولا ضـاع
يا حاضري ومستقبلي وذكرياتـي
ما جيتك أبني من أحاسيسي أطماع
جيتك وأنا كلي وفـا يـا غناتـي
جيتك أساير لعنة الوقـت باقنـاع
هذي عذاريبـي وهـذي صفاتـي
أحيان أحس إني أنانـي وطمـاع
وأحيان أحس إن اجتماعي شتاتي
نهيت قلبي عن غرامك ولا طـاع
ودعيت لك يا غالية فـي صلاتـي
والله ما أبني من علاقاتي خـداع
ولا أحدٍ بها الدنيا يسوي سواتـي
بس القدر يحكم علينـا وننصـاع
يا غالية روحي وأعـز أمنياتـي

للشـآعر (نفاع العنزي)
.
.
الشـاعر .."سـآلم سيــــآر "

.......... قومي : نامي .
لي متى ! , تقري | كلامي ؟؟

ماتعبتي من " السهر " ؟!
يـ الله
قدامي

وإلا ( لأ )

ما أبي – قدامي !
أبيك { تتغطي } بـ جفني
و / بـ عيوني . . . تنامي

كل شي " فيني " , يهمك
أدري
ودّك ~ كل لحظه ~ آكون : يمّك :
يـ إللي | إسمك |
غير .. عن كل - الأسامي !

تاخذين ( القلب ) منّي ! و تاخذيني !
وإنتِ < فيني >
شلون لو ودّي / ألمك ؟؟
قومي نامي ......... .
إسمعيني ,
مايطوفك " شي " لا نمتي بـ :: عيني



فــــــــزاع

انـا انـا لـولاي انا من تكون
اقـولها وانـا نـعم فـيك مغرورة
انـا جـعلتك نور وانت من الطين
جـرة قـلم وامحيك من عالم النور
انـت بـدوني وردة فـي الـبساتين
والـورد فـي دنيا البساتين مغمور
لكن معي صرت كما الشوف للعين
والعين لولا الشوف ماظن لها دور
هـذا وقـصدي تـعرف موقعك زين
وحذرا ترى من انذرك صار معذور
اما اشتري ودي على العسر واللين
والا تـراني بـيعاك بـيعة البور
بـسطور خـليتك شـعار
المحبين
وامـسحك مـن دنيا المحبين بسطور


سمو الامير بدر بن عبدالمحسن

مـنت رايـق .. فيك شي ومتضايق

مـانت فـي طـبعك ولا هذا مزاجك

الـتفت لـي شـوي محتاج لدقايق

انـا مـاصدقت اشـوفك وانـتواجه

ودي اطـفي بـشوفتك نار الحرايق

ودي انـسابك ردى الـحظ وعجاجه

عش معي في فرحتي وانسى الخلايق

واسـمع لـرعشة خفوقي واحتجاجه

عـلم مـابينك وبـين الـما عوايد

مـن رحيق ازهار روضي وابتهاجه

لـيه تـخفي يـابعد روحي الحقايق

يـسألك قـلبي دخـيلك بـس ناجه

ويـن عـني شـارد عـنظره توايق

مـانت فـي حـالة ظلام ولا سراجه

آه يـاحلوك عـليك الـحزن لايـق

يـاجعل ربـي يـعجل فـي انفراجه

جـت تـسائلني عـلامك منت رايق

قـلت رايـق بس ابكتب فيك حاجه


سعـد علـوش .."

تفنن في طروق الحب





تـفنن فـي طـروق الـحب شرقني وغربني

مـعك يا زين دوخات الهوى ويا حلو مشواره

وغـرد فـي سما سمعي أبي تحكي وتطربني

سواليفك مطر عمري .. ربيعي ضحكة أزهاره

حـبيبي يـا بـعد كـلي وكلك صدق تعجبني

بـغـيباتك وصـداتـك وتـلويعك وتـكراره

تـجنن كـل مـا اشـوفك احس انك تذوبني

وتـضيعني مـن الدنيا .. وتشب بخافقي ناره

جـمـالك نـاهب قـلبي وتـفكيري نـاهيني

دلالـك يـا رقيق العود .. عود تعزف اوتاره

تـولـعت بـتصانيفك .. وتـعذيبك يـولعني

وعلى أي حال راضي بك شمس العمر وانواره


خالد الفيصل

فزوالها سعـد علـوش

أخذيني اليـا عجبتـك بـس ردينـي
و أن ما عجبتك خلاص أخذيني ما بيني


مادامني شفت فيـك الطهـر و العفـه
باعيـف نفسـي ليامنـك كرهتـنـي


أخذيني لو اعتبر من ضمـن أشيائـك
و انــا بحـبـك ولا لازم تحبـنـي


لابي علاقه ولابـي نظـره و بسمـه
أحساسي اني بقربـك بـس يكفينـي


ولو ني انضفت لشيائك غصب عنـك
طلـي علـي يـا غناتـي لا تخلينـي


تراي لاجـا المصامـل مانـي بهيـن
تقـول كـن العـرب لعبـه بيديـنـي


شخصيتـي مـن غرابتهـا و طيبتهـا
كن الزمن في تحـدي بينـه و بينـي


أخذيني الشاعر اللي ما صـدق حظـه
لاقلت يا حـض وينـك قـال ياوينـي


أخذينـي المبـدع المتفلسـف التحفـه
مؤمن و تضحك على العالم شياطينـي


شهرة شكسبير و أفلاطـون وأنيوتـن
لا قلتلي بيت شعر تطيح مـن عينـي


أخذيني العنصري اللي صدق متعنصـر
من دون ربعي لـو أقطـع شرايينـي


أخذينـي اللـي ليامنـه طلـب يعطـا
و تكفيـن لامـن طلبتـك لا تردينـي


تكفين يـا غايتـي يـا بهجـة الدنيـا
أبحـرق قلـوب نـاس مـا تدانينـي


أخذينـي بكـل شـوق وقولـي أحبـه
و أن شككو فيـك وإلا فـي ضمينـي


قولي سعـد و الله انـه غالـي جـدا
و ياجعل فدوه شبابي و آخـر سنينـي


و انا بصـدق كلامـك و اعتنـز بالله
وباقول للنـاس مـا يعنيـك يعنينـي


و أنا على نذر ما أرخص جيتك
و أنتي نذر على أرقبتـك انـك مـا تخلينـي